أخبار عاجلة

طالع قصيدة “تانجو” من ديوان “مش لاعب” عن هيئة الكتاب

صدر حديثا عن الهيئة المصرية العامة للكتاب، برئاسة الدكتور هيثم الحاج علي، ضمن سلسلة كتابات جديدة، ديوان شعر عامية بعنوان “مش لاعب” للشاعر عماد عبد الحكيم حامد.

من أجواء الديوان نقرأ من قصيدة “تانجو”:

مبقتش شايل حاجة وبتنهج، وبتجري وحدك ع التراك وتتوه، رغم إنه حارة وحيدة ماشية بدون تعاريج تلخبط حد يشبهلك، بنتك جميلة ف طبطبتها عليك، تسألني لما بفوق من حزني وجنوني،

وف خوفها م التعبير على حاجة مش لايقة مع وضعك الحالي،

إزاي بترقص تانجو

ع السلم ؟!

أنا لسه بتعلي ودماغي أصلا سلحفة عرجة، والمعطيات أسرع من ال.. مفروض ترتاح له وتدوقه،

سایب إيديكي تحريش العتمة،

وحدك وتحضن توأمي وتوس على كل حاجة بتقلق الأيام مستحملاني بكل كلكعتي

وبتعبير الي العاملة

ودماني وقت أما تضرب مني

وتسلم

بطلنا تتكلم

و بخش جحري وبانسحب جوايا

باطفي الحضور الحي

للبهجة

وبغير الإضاءات

يمكن بحاول بانسحابي

أعيش

لأطول نهاية تاخدني من إيدي

وتسيبني وحدي في انفجاري يجوز

ميجيش عليكي الدم

ف تخافي،

بهتر صورتك والبنات

ينخفوا لما

عنيكي

تتألم

باضحك عليكي بضحكتي فيا ضميني لاجل مكنش وحديا

ضرس الشوارع محتفل بيا

وعنيكي آخر شط

مش مضروب.

جريدة القاهرة